ბათუმში რამდენიმე დღის განმავლობაში ინტენსიურად თოვს.
ბათუმის მერიის ინფორმაციით, გაწმენდითი სამუშაოები 24 საათიან რეჟიმში ხორციელდება მერიის შესაბამისი სამსახურების მიერ.
უწყვეტ რეჟიმში იწმინდება გზები და ტროტუარები, ასევე, შტორმისგან დაბინძურებული სანაპირო.
მიმდინარეობს ხე–მცენარეების თოვლისგან გათავისუფლების სამუშაოები. რეგულარულად იწმინდება ზღვაში გამსვლელი სანიაღვრე არხები. გაწმენდით სამუშაოებში ჩართულია 300-მდე თანამშრომელი და სპეციალური ტექნიკა. მერიის სამსახურები განაგრძობენ საგანგებო რეჟიმში მუშაობას.
