თორნიკე რიჟვაძის განცხადებით, ბათუმის N16 სკოლის ადგილზე ახალი, 1000 მოსწავლეზე გათვლილი სკოლა აშენდება. ბათუმის N16 სკოლის ადგილზე ახალი სკოლის ასაშებელად უახლოეს პერიოდში საპროექტო და სამშენებლო სამუშაოებისთვის საჭირო შესაბამისი პროცედურები დაიწყება.
ბათუმის #16 საჯარო სკოლის შენობის ტექნიკური მდგომარეობის გათვალისწინებით, მოსწავლეთა და სკოლაში დასაქმებულ პირთა უსაფრთხოების მიზნით, სკოლასთან დაკავშირებით მიღებულ იქნა გადაწყვეტილება, რომ სასწავლო პროცესი გადასულიყო დისტანციურ რეჟიმზე.
ვინაიდან სკოლა არის ავარიულ მდგომარეობაში გაიცა შესაბამისი დავალებები, რომ უწყებებმა მათ შორის აჭარის განათლების სამინისტრომ უახლოეს პერიოდში უზრუნველყოს როგორც საპროექტო, ისე სამშენებლო სამუშაოების დაწყება“, – განაცხადა აჭარის მთავრობის თავმჯდომარემ.
ბათუმში ამ ეტაპზე მიმდინარეობს N6 სკოლის დამატებითი კორპუსის და ბათუმის N23 საჯარო სკოლის მშენებლობა. მიმდინარე წელს დაიწყება ბათუმის N15 საჯარო სკოლის დამატებითი კორპუსის მშენებლობა.
სოფიო პაქსაძე
