დაბა ხულოში მინი სპორტულ მოედანს რეაბილიტაცია ჩაუტარდა. პროექტის ფარგლებში არსებული ხელოვნური საფარი და სექციური ღობის დაზიანებული ბადე შეიცვალა ახლით. მოხდა ახლად მოწყობილი და არსებული ლითონის კონსტრუქციების შეღებვა ანტიკოროზიული საღებავით. გამოიცვალა ფეხბურთის კარების ბადე და კალათბურთის კალათი. სამუშაოები ტენდერით გამოვლენილმა ინდ. მეწარმემ „მარად იაკობაძემ“ განახორციელა. სამუშაოებისთვის ხულოს მუნიციპალიტეტის გამგეობის ბიუჯეტიდან 14916 ლარი დაიხარჯა.
