ნამოხვანჰესის წინააღმდეგ პროტესტი გუმათში გრძელდება

ნამოხვანჰესის მოწინააღმდეგეთა პროტესტი გუმათში გრძელდება. აქციის მონაწილეებს გზა ავტომობილებით აქვთ გადაკეტილი და ხეობაში შესვლის უფლებას მოითხოვენ.

მათი თქმით, თუ პოლიციელები ნამოხვანში შესვლის უფლებას არ მისცემენ, თავადაც არ გაიყვანენ ავტომობილებს.

ადგილზე ისევ არიან სამართალდამცველები, რომელთაც თავის მხრივ, ჯებირები აქვთ განთავსებული.

შეგახსენებთ, ნამოხვანში კარვები გუშინ აიღეს, რის გამოც ჰესის მოწინააღმდეგეების პროტესტმა გუმათში გადაინაცვლა.

ლიკა შარაძე