ამ წუთებში სელიმ ხიმშიაშვილისა და ალექსანდრე პუშკინის ქუჩების კვეთაში ავტოსაგზაო შემთხვევა მოხდა, ერთმანეთს სამი მსუბუქი ავტომობილი შეეჯახა, როგორც აქ მცხოვრები ადამიანები ამბობენ, მსგავსი შემთხვევა თითქმის ყოველ დღე ხდება და მუდმივად საფრთხის ქვეშ უწევთ ცხოვრება. მიუხედავად იმისა, რომ არაერთხელ მიმართეს შესაბამის ორგანოებს შუქნიშანის ან სიჩქარის დამგდები ბარიერის დამონტაჟების თხოვნით, ეს საკითხი დღემდე მოუგვარებელია.
