დღეს ბათუმის საკრებულომ დღის წესრიგით ჩანიშნული 4 საკითხი განიხილა. სხდომას საკრებულოს თავმჯდომარე სულიკო თებიძე უძღვებოდა.დეპუტატებმა განიხილეს და კენჭი უყარეს საკითხს „ერთიანი ნაციონალური მოძრაობის“ წევრის ევგენი კუნჭულიას პირადი განცხადების საფუძველზე უფლებამოსილების ვადამდელი შეწყვეტის თაობაზე, მის ადგილმონაცვლეს კი საოლქო საარჩევნო კომისია საკრებულოს უახლოეს სხდომაზე წარუდგენს. სხდომაზე ასევე განიხილეს ბათუმის ტერიტორიაზე მოუვლელი მიწის ნაკვეთებისა და შენობა-ნაგებობების მოწესრიგების საკითხი. ცვლილება უნდა შევიდეს ავტობუსებით მგზავრთა საქალაქო ტრანსპორტით გადაყვანისა და სამგზავრო ტარიფების საკითხში.
