| გაისად ბათუმის ძველი ნაგავსაყრელის კონსერვაცია და ახალი ტერიტორიის მომზადება იგეგმება, რისთვისაც სახელმწიფო 7 მილიონ 700 ათას ევროს დახარჯავს. თანხა გრანტის სახით „იბიარდმა“ და „სიდამ“ გამოყო. მიმდინარე წელს მყარი ნარჩენების მდგრადი მართვისთვის 300 ათასი ევრო დაიხარჯა. თანხა მთლიანად მყარი ნარჩენების მართვის პროექტის შემუშავებას მოხმარდა. აჭარის ფინანსთა და ეკონომიკის სამინისტროში აცხადებენ, რომ დოკუმენტაცია კანონის სრული დაცვითაა მომზადებული და საერთაშორისო სტანდარტებს სრულად აკმაყოფილებს. ნაგავსაყრელის კონსერვაციისა და ახალი ტერიტორიის მომზადებისათვის საერთაშორისო ტენდერის გამოცხადებას სამინისტრო 2016 წლის პირველ კვარტალში გეგმავს. |
