საკრებულოს საუკეთესო წევრები ხულოსა და ხელვაჩაურის მუნიციპალიტეტებში არასამთავრობო ორგანიზაცია „ინტელექტმა“ კონკურსის ფარგლებში გამოავლინა. ხელვაჩაურის მუნიციპალიტეტის საკრებულოში ახალგაზრდა მეცნიერთა კავშირის კონკურსის -„საკრებულოს საუკეთესო წევრი“ გამარჯვებული, „ერთიანი ნაციონალური მოძრაობის“ წევრი თეიმურაზ დუმბაძე დასახელდა. ხულოში საკრებულოს საუკეთესო წევრად პარტია „ქართული ოცნების“ დეპუტატი ჯუმბერ დიმიტრაძე გამოავლინეს. საუკეთესო წევრები გამოვლინდნენ ქედისა და შუახევის საკრებულოებშიც. საუკეთესოს სტატუსი ქედაში ვაჟა ბლქვაძეს, შუახევში კი ფატი ჭაღალიძეს მიენიჭა. „ინტელექტმა“ საკრებულოს საუკეთესო წევრები მათი საქმიანობის მონიტორინგის საფუძველზე გამოავლინა. არასამთავრობო ორგანიზაციამ გამარჯვებულ დეპუტატებს დიპლომები და საჩუქრები გადასცა.
