27 იანვარს, გამთენიისას ტერორისტული აქტი მოხდა ირანში, შეიარაღებული თავდასხმის სამიზნე ქვეყნის დედაქალაქ თეირანში განთავსებული აზერბაიჯანის დიპლომატიური მისია გახდა. საელჩოს შენობაში კალაშნიკოვის იარაღით შეჭრილმა თავდამსხმელმა ცეცხლი გახსნა, რის შედეგადაც დაიღუპა საელჩოს უსაფრთხოების სამსახურის უფროსი. დაჭრილია დაცვის ორი თანამშრომელი, რომლებიც დამნაშავის განიარაღებას და შეჩერებას ცდილობდნენ. შეიარაღებული თავდამსხმელის განეიტრალება საელჩოს უსაფრთხოების კიდევ ერთმა თანამშრომელმა მოახერხა.
