30 მაისს ხულოს საჯარო სკოლის სასპორტო დარბაზში გაიმართა საქართველოს დამოუკიდებლობის დღისადმი მიძღვნილი ღია ტურნირი საჯარო სკოლებს შორის კალათბურთში. შეჯიბრებაში მონაწილეობდნენ 2002-2003 წლებში დაბადებული ვაჟები. პირველ ადგილზე დაბა ხულოს საჯარო სკოლის გუნდი გავიდა, მეორე ადგილი სოფელ ოქრუაშვილების გუნდს ხვდა წილად, ხოლო მესამეზე – გიმნაზიის გუნდი გავიდა. ტურნირს გამგეობის განათლების, კულტურის, სპორტის, ტურიზმისა და ახალგაზრდულ საქმეთა სამსახურის წარმომადგენლები ესწრებოდნენ. გამარჯვებულები მედლებით, სიგელებით და თასებით დაჯილდოვდნენ.
