აჭარის საავტომობილო გზებისა და სამელიორაციო სისტემების მართვის დეპარტამენტის უფროსმა არჩილ ჩიქოვანმა მოადგილეებთან ლაშა ჩიხლაძესთან და რაულ ბერიძესთან ერთად ხელვაჩაურის მუნიციპალიტეტში მახო-დავითაძეების გზის სავალი ნაწილის დამეწყრილი მონაკვეთის გაწმენდითი სამუშაოები დაათვალიერა. ამ დროისათვის სტიქიის ტერიტორიაზე მძიმე ტექნიკა მუშაობს, პარალელურად იწმინდება სანიაღვრე არხები.
დღესვე დეპარტამენტის ხელმძღვანელმა აჭარისწყალი-კირნათის საავტომობილო გზაზე მშენებარე ჰესზე მიმდინარე სამუშაოების შედეგად დაზიანებული გზის სამუშაოები დაათვალიერა. ტერიტორიაზე მოხრეშვა-მოშანდაკება მიმდინარეობს. არჩილ ჩიქოვანის განცხადებით, გზის სავალი ნაწილის მოშანდაკება პერიოდულად გაგრძელდება, ხოლო ჰესის მშენებლობის დასრულების შემდეგ აჭარისწყალი-კირნათის 4 კმ-იანი მონაკვეთის სრული რეაბილიტაცია განხორციელდება.
