დღეს, დაახლოებით 15 საათზე, ხელვაჩაურის ერთ ერთ სურსათის მაღაზიაში ახალგაზრდა ქალი ცივი იარაღის გამოყენებით მოკლეს. თვითმხილველთა ინფორმაციით გარდაცვლილსა და მკვლელს შორის ურთიერთობა მას შემდეგ დაიძაბა, რაც ამ უკანასკნელმა მაღაზიიდან პროდუქციის ნისიად გატანაზე უარი მიიღო. როგორც ირკვევა, მკვლელობისას მაღაზიაში კიდევ ერთი ადამიანი იმყოფებოდა, რომელმაც ქალბატონის ბოროტმოქმედისგან დახსნა სცადა, თუმცა მკვლელმა მასაც რამდენიმე ჭრილობა მიაყენა. საქმეს განზრახ მკვლელობის მუხლით შინაგან საქმეთა სამინსიტრო იძიებს.
