საიას აჭარის ბიუროს ინფორმაციით ამ დროისთვის საიას მიერ ჩანაწერთა წიგნში ჩაიწერა 6 შენიშვნა და 3 საჩივარი დაიწერა უბანზე. არსებითი ხასიათის დარღვევა და დამკვირვებლის უფლებების შეზღუდვა დაფიქსირდა ქობულეთის N81 ოლქის N16 უბანზე, სადაც საიას დამკვირვებელი არ დაუშვეს უბანზე 07:05 სთ-დან 08:00 სთ-მდე. ამასთან დაკავშირებით საიას დამკვირვებელმა დაწერა საჩივარი და ველოდებით საჩივრის განხილვას. ამ ეტაპზე ჩვენი დამკვირვევებლი დაშვებულია უბანზე და იგი აკვირდება კენჭისყრის პორცედურებს. აქვე უნდა ავღნიშნოთ საარჩევნო უბნების მიმდებარე ტერიტორიაზე შეინიშნება პარტიული აქტივისტების მობილიზება, რომლებიც ორგანიზებას უწევენ ამომრცეველთა მობილიზებას ან კიდევ ხდება მათთან გასაუბრება. ფაქტი არ წარმოადგენს საარჩევნო კანონმდებლობის დარღვევას, მაგრამ შეიძლება გავლენა მოახდინოს ამომრჩეველთა პოლიტიკურ გადაწყვეტილებაზე.”
ნაირა ქობულაძე „აჭარა P.S.“
