დღეს ქალაქ ბათუმის მუნიციპალიტეტის საკრებულოს მორიგი სხდომა გაიმართა. სხდომას ქალაქის მერი ლაშა კომახიძე არ ესწრებოდა. „ერთიანი ნაციონალური მოძრაობის“ წევრები სხდომაზე მერის დასწრებას ითხოვნენ, რადგან პრობლემური საკითხები დაისვა. საკრებულოს თავმჯდომარემ უარი განაცხადა მერის მოწვევაზე იმ მოტივით, რომ ყველა კითხვაზე პასუხის გაცემა სამსახურის უფროსსაც შეუძლია. პროტესტის ნიშნად ოპოზიციამ სხდომა დატოვა.
„გთავაზობთ გადავდოთ ეს საკითხები, ვიდრე ლაშა კომახიძე მოიცლის ჩვენთვის, თუ არ მოვა მერი, ჩვენ არ დავესწრებით სხდომას“ -განაცხადა მირდატ ქამადაძემ.
