ორწლიანი პაუზის შემდეგ ლიტერატურული კონკურსი „ლექსების გამოფენა“ ბათუმში ისევ ბრუნდება. 29-30 ნოემბერს, კონკურსის მონაწილეებს ხელოვნების უნივერსიტეტი უმასპინძლებს. აღნიშნული ღონისძიება წელს ჩვენს ქალაქში მეთხუთმეტედ გაიმართება… როგორც კონკურსის ორგანიზატორი ზაზა ფირცხალაიშვილი ტვ12-თან საუბარში აღნიშნავს, კონკურსმა შემოქმედ ადამიანებში კვლავინდებურად დიდი ინტერესი გამოიწვია, რაზეც ღონისძიების მონაწილეთა სიმრავლეც მეტყველებს.
ბოლო „ლექსების გამოფენა“ 2022 წელს ჩატარდა, შემდეგ გარკვეული ობიექტრი და სუბიექტური მიზეზების გამო იყო პაუზა, რაც უპირველესად კოვიდ-პანდემიამ და დაფინანსების არარსებობამ გამოიწვია…
როგორც ღონისძიების ორგანიზატორი ზაზა ფირცხალაიშვილი ამბობს, კონკურსი ლიტერატურულ სამყაროს პროზისა და პოეზიის მოყვარული, ეროვნულობაზე თავდადებული, მეცენატი ადამიანების მხარდაჭერით დაუბრუნდა, მათ შორისაა მსოფლიოში მცხოვრებ იბერთა, კოლხთა ანუ სრულიად ქართველთა ეროვნული მოძრაობა „იბერია“ და მისი დამფუძნებელი – 1921-34 წლების, საქართველოს დემოკრატიული რესპუბლიკის ემიგრაციული მთავრობის სამართალმემკვიდრე, ემიგრაციული მთავრობის თავმჯდომარე ვლადიმერ ხმელიძე.
