ფერმერი

 გაზეთ „აჭარა P.S.“-ის ახალი პროექტი „ფერმერი და მომხმარებელი“ წარმატებით ხორციელდება, სწორედ ამ სახელწოდების საგაზეთო ჩანართი ამიერიდან ყოველ სა მშაბათს უღებს კარს რეგიონის ფერმერებს და არა მხოლოდ მათ. ის უკვე გახდა მათი უშუალო მეგობარი, გზამკვლევიცა და წარმატებული საქმიანობის შემფასებელი. ეს ფერმერთა გაზეთია და სოფლის მეურნეობით დაინტერესებული პირების ჩართულობა მისი თემატიკის შემუშავებაში ძალზედ მნიშვნელოვანია, ამიტომ დაგვიკავშირდით, გვკითხეთ, გვირჩიეთ, ჩვენ კი ჩვენის მხრით შევეცდებით კომპეტენტურ ადამიანებთან ერთად გამოვეხმაუროთ თქვენს სურვილებს, შეკითხვებსა და დარგის ირგვლივ ყველა საჭირო და მნიშვნელოვანი ინფორმაცია მოგაწოდოთ.
ჩვენი დიდი სურვილია გავაცნოთ ფართო მკითხველს თითოეული ფერმერის წარმატება და გამოცდილება, ვაჩვენოთ მათი საქმიანობა, ვისაუბროთ პრობლემებსა და მათი გადაჭრის გზებზე. ამიტომაც გადავწყვიტეთ, რომ მარტო საგაზეთო ფორმატით არ შემოვფარგლულიყავით და ამ სურვილების ფრთაშესხმა ჩვენი სატელევიზიო არხით და ვებ.გვერდითაც განგვეხორციელებინა, მალე დაინტერესებულ მაყურებელს საშუალება ექნება ტვ12-ის არხზე ნახოს გადაცემა იმავე სახელწოდებით „ფერმერი და მომხმარებელი“, ხოლო საიტზე www.adjaraps.com სპეციალური გვერდის „ფერმერი“ საშუალებით გაეცნოთ დარგის სიახლეებს და მიიღოთ თქვენთვის საჭირო ყველა ინფორმაცია. თქვენს განკარგულებაშია ჩვენი „ცხელი ხაზი“:
(0422) 29 24 04 და რა თქმა უნდა ფეისბუქგვერდი.
მოკლედ, ძალიან ბევრი და შორს მიმავალი გეგმები გვაქვს, რომელთა განხორციელებაც მხოლოდ თქვენი მხარდაჭერითაა შესაძლებელი. ჩვენ დავიწყეთ და გვჯერა, რომ ძალიან მალე შევძლებთ თქვენი ნდობისა და სიყვარულის მოპოვებას!
ვუსურვოთ ერთმანეთს წარმატებები!