დაშავებული ჟურნალისტები, პოლიციელები, არასამთავრობო ორგანიზაციების წარმომადგენლები და აქციის მონაწილეები -_ ბათუმში არეულობა ამ წუთებშიც გრძელდება.
ამ დროისთვის, ბათუმის სხვადასხვა საავადმყოფოში 21 პაციენტია შეყვანილი – ზოგი თავის, ზოგის ფეხის, ზოგიც მხარის ტრავმით – ინფორმაციას “გურია ნიუსი” ავრცელებს.
აჭარის ჯანდაცვის მინისტრის, ზაალ მიქელაძის განცხადებით, დაშავებულებიდან 11 პოლიციელია. მისივე თქმით, ყველაზე მეტად დეპუტატი ირაკლი ჭეიშვილია დაზარალებული, რომელსაც სახის ტრავმა აღენიშნება.
ჯერჯერობით უცნობია რამდენი ადამიანი მოიწამლა ცრემლსადენი გაზის გაშვების შედეგად.
https://www.youtube.com/watch?v=WwPevkZgGDc
