ეკა ბესელია აჭარაშია, იგი ბათუმის სასჯელაღსრულების დაწესებულებაში სტუმრობას და პატიმრების მდგომარეობის გაცნობას გეგმავს. პარლამენტის ადამიანის უფლებების დაცვის კომიტეტის თავმჯდომარე ბათუმის ციხეში არსებულ პრობლემებს გაეცნობა და სახალხო დამცველის ბოლო ანგარიშის დროს დაფიქსირებულ ხარვეზებს შეისწავლის. პატიმრების საჩივარი ამასწინათ გაზეთ „აჭარა P.S.“-ის ფურცლებზეც მოხვდა, სადაც ისინი წყლისა და სამედიცინო მომსახურების პრობლემებს უჩიოდნენ.
