აჭარის ა.რ. ჯანმრთელობისა და სოციალური დაცვის მინისტრმა, ნინო ნიჟარაძემ შეხვედრა გამართა სამედიცინო ქსელ „მედიკალ პარკის“ წარმომადგენლებთან.
გაცნობითი ხასიათის შეხვედრაზე მინისტრმა აჭარის ავტონომიური რესპუბლიკის ჯანმრთელობის დაცვის სფეროს, სამინისტროს პროგრამების, მათ შორის საზღვარგარეთ მკურნალობის თანადაფინანსების წესის შესახებ ისაუბრა.
შეხვედრას აჭარის ჯანდაცვის მინისტრის მოადგილე, მარი ზანაქიძე, „მედიკალ პარკის“ წარმომადგენელი საქართველოში დურსუნ ოზქანლი, პროფესორი სერდარ თურქილმაზი, „მედიკალ კარადენიზის“ გენერალური დირექტორი ტუგბა ალთინი და სხვა ოფიციალური წარმომადგენლები ესწრებოდნენ.
„მედიკალ პარკი“ აჭარაში თანამშრომლობს „ხოზრევანიძის კლინიკასთან“, რომლის ფარგლებში რეგიონს პერიოდულად ეწვევიან აჭარაში დეფიციტური პროფესიის მქონე თურქისპეციალისტები. სამედიცინო ქსელი თანამშრომლობას სხვა კლინიკებთანაც გეგმავს. ამმიზნით „მედიკალ პარკის“ წარმომადგენლები მათთან ინდივიდუალურ შეხვედრებს გამართავენ.
„მედიკალ პარკი“ თურქეთის სამედიცინო ბაზარზე წარმოდგენილია 30 წელია. ქვეყნის 15 ქალაქში ქსელი ფლობს 30 სამედიცინო დაწესებულებას.
