საკალათბურთო კლუბი „ბათუმი“ საქართველოს თასის ჩემპიონია! ბათუმის მერმა, საკალათბურთო კლუბ , “ბათუმის“ სპორტსმენებს უმასპინძლა. აჩილ ჩიქოვანმა კალათბურთელებს მიღწეული წარმატებები მიულოცა და აღნიშნა, რომ მათი გამარჯვება ხელს უწყობს სპორტის ამ სახეობის კიდევ უფრო მეტ პოპულარიზაციას, რაც ჯანსაღი ცხოვრების წესის დამკვიდრების წინაპირობაა.
,,შეხვედრა მქონდა საკალათბურთო კლუბ „ბათუმთან,“ ჩვენი ქალაქის საამაყო სპორტსმენებთან, რომლებმაც, 19-წლიანი პაუზის შემდეგ, საქართველოს თასის ჩემპიონობა მოიპოვეს. ვამაყობ ჩვენი სპორტსმენების გამარჯვებით და გულითადად ვუსურვებ მათ წარმატებებს! ჯანსაღი ცხოვრების წესის დამკვიდრებისა და ახალგაზრდებში სპორტის პოპულარიზაციის მიზნით, ბათუმის მერია სპორტული ინფრასტრუქტურის განვითარებისთვის მნიშვნელოვან პროექტებს ახორციელებს. ბათუმი უნდა გადაიქცეს მძლავრ სპორტულ ცენტრად, უფრო მეტად ხელმისაწვდომი უნდა გახდეს სპორტული ინფრასტრუქტურა და სპორტის ხელშეწყობის პროგრამები. გასული წელი წარმატებული იყო ჩვენი სპორტსმენებისთვის, რომლებმაც ბათუმს არაერთი მნიშვნელოვანი გამარჯვება მოუტანეს. დარწმუნებული ვარ, წლევანდელი წელი კიდევ უფრო წარმატებული იქნება. მადლობა მინდა გადავუხადო ყველა იმ სპორტსმენს, რომლებმაც ასახელეს და წარმატება მოუტანეს ჩვენს ქალაქს“-განაცხადა არჩილ ჩიქოვანმა.
