აჭარის მთავრობის თავმჯდომარემ, თორნიკე რიჟვაძემ ირანის ისლამური რესპუბლიკის გენერალურ კონსულთან ბათუმში, ესმაილ თექიე სადათთან გაცნობითი ხასიათის შეხვედრა გამართა.
თორნიკე რიჟვაძემ ირანელ დიპლომატს თანამდებობაზე დანიშვნა მიულოცა და იმედი გამოთქვა, რომ ქვეყნებს შორის არსებული თანამშრომლობა კიდევ უფრო გაღრმავდება.
შეხვედრაზე ხაზი გაესვა ორი ქვეყნის ურთიერთობებში არსებულ დადებით დინამიკას კულტურულ–ჰუმანიტარულ და სავაჭრო–ეკონომიკურ სფეროებში. აღინიშნა, რომ ყოველწლიურად მზარდია საქართველოსა და ირანს შორის ვაჭრობის მაჩვენებელი, რასაც მნიშვნელოვანი წვლილი შეაქვს მხარეების ეკონომიკურ განვითარებაში.
შეხვედრას ირანის კონსული მოჰამად რეზა ყორბანიანი ესწრებოდა.
