მთავარი ვიდეორეპორტაჟი საზოგადოება „ნაცმოძრაობის“ აზრით არჩევნები ტოტალურად გაყალბდა

„ნაცმოძრაობის“ აზრით არჩევნები ტოტალურად გაყალბდა

245
0

“ნაციონალური მოძრაობის” წევრები აცხადებენ, რომ „ქართულმა ოცნებამ“ აჭარაში ადგილობრივი თვითმმართველობის არჩევნები ტოტალურად გააყალბა. ოპოზიციური პარტიის წარმომადგენლებმა ჟურნალისტებთან ვრცლად ისაუბრეს იმ დარღვევებზე, რომლებიც პარტიის წარმომადგენლებმა ბათუმის სხვადასხვა საარჩევნო უბანზე დააფიქსირეს:

– სხვადასხვა უბანზე დაკარგულია ბიულეტენები, ამის თაობაზე 56-ე   საარჩევნო უბანზე დაწერილია საჩივარი. ეს არის ე. წ. სომხური კარუსელის წინაპირობა. 24-ე 55-ე  61-ე  62,-ე და 63-ე უბნებზე ამომრჩევლები რომლებსაც ჰქონდათ მარკირება, მაინც  ცდილობდნენ უბანზე შესვლას. ამ ფაქტზე ჩვენმა წარმომადგენლებმა მოახდინეს რეაგირება და არ შეუშვეს ეს ამომრჩევლები უბანში.

42-ე  82-ე საარჩევნო უბნებში კომისიის თავმჯდომარე ეწეოდა ღია აგიტაციას. 32-ე უბანზე ამომრჩეველს მის გრაფაში ხელი მოწერილი დახვდა 69-ე და 48-ე უბანზე ხმის მიცემა მოხდა მარკირების სითხის გარეშე.

43-ე უბანზე ორ -ამომრჩეველს მიუვიდა საარჩევნო ბარათი, თუმცა საარჩევნო სიაში არ აღმოჩნდა და ხმა ვერ მისცა. 15-ე  70 -ე უბნეზე  მარკირების სითხე და ფანარი უვარგისი გახლდათ. 103-ე უბანზე კომისიის წევრს ხმა უნდა მიეცა მხოლოდ მერზე და პარტიაზე და მიცეს 3-ვე ბიულეტენი. 29-ე უბანზე რეგისტრატორი ამომრჩეველს აწვდიდა სპეციალურად დანომრილ ბიულეტენებს, რაც ამომრჩეველზე ზეწოლა და კენჭისყრის ფარულობის დარღვევაა.

103-ე უბანზე კომისიის ერთ-ერთმა წევრმა ხმა მისცა მაჟორიტარს თუმცა მას ამ უბანზე მაჟორიტარისთვის ხმის მიცემის უფლება არ ჰქონდა. ვინაიდან რეგისტრირებულია სხვა სამაჟორიტარო ოლქში.

29, 35, 56, 71, 72-ე უბნებზე 2 საათის განმავლობაში გამორთული იყო ელექტრო ენერგია, რამაც პრობლემა შეუქმნა ვიდეოგადაღებებს.

20, 61-ე უბანზე მარკირებიანმა ამომრჩეველმა მისცა ხმა. „საღამოს 6-საათის შემდეგ მობილიზება გაუკეთეს კრიმინალურ ავტორიტეტებს”,- აცხადებენ „ნაციონალები“.