ტყუპები – ტყუპებისათვის!

25 სექტემბერს ჩაქვის N1 საჯარო სკოლის მე-11 კლასის მოსწავლეებს, სამ ტყუპ ძმას – ნიკა, ლუკა და საბა ხიდაშელებს ფოთიდან ესტუმრნენ ასევე სამი ტყუპი და – მარიამი, ნინო და ეკა მიქაძეები. სკოლაში მათი მისვლის მიზანი ინფორმაციული ხასიათის იყო. სკოლის 50-მდე ტყუპ მოსწავლეს გააცნეს სიახლე რომ 25 სექტემბერს საჯარო რეესტრში დაფუძნდა ფონდი „ტყუპები ტყუპებისათვის“, რომლის მიზანი იქნება იმ ტყუპების მხარდაჭერა და დახმარება, ვისაც ეს ყველაზე მეტად სჭირდება.
– ჩვენ ტყუპები ერთმანეთისთვის ვარსებობთ! ჩვენ ბევრნი ვართ, რაც იმას ნიშნავს, რომ ყოველთვის მზად ვართ ერთმანეთის დასახმარებლად.
სკოლაში სტუმრად მისულმა ტყუპებმა, სკოლის ტყუპ მოსწავლეებთან და სკოლის დირექციის წარმომადგენლებთან ერთად სამახსოვრო სურათებიც გადაიღეს.