ქობულეთი არ ივიწყებს… /ვიდეო/

23 სექტემბერს, დაბადებიდან 100 წელი შეუსრულდა ცნობილ სამეურნეო მუშაკს, საზოგადო მოღვაწეს, დამსახურებულ ჟურნალისტს, ჩვენი რეგიონის უახლესი ისტორიის მკვლევარსა და ჭეშმარიტ მემატიანეს ოთარ კონცელიძეს, რომლის ხსოვნის პატივსაცემად ქობულეთის ცენტრში მდებარე სახლთან, სადაც ის 1974-1996 წლებში ცხოვრობდა, ადგილობრივი საზოგადოების, ხელისუფლებისა და ინტელიგენციის წარმომადგენლები შეიკრიბნენ. ოთარ კონცელიძე 1924 წელს დაიბადა, იგი ქობულეთის პირველი ოქროსმედალოსანი გახლდათ, იმუშავა სხვადასხვა თანამდებობაზე, მათ შორის ყველაზე დიდხანს იყო ქობულეთის რაიონული გაზეთის უცვლელი რედაქტორის მოადგილე. გარდაიცვალა 2019 წელს.

სახლზე, სადაც ბატონი ოთარი ცხოვრობდა, გაიხსნა მემორიალური დაფა, იგი დღეს კოლეგებმა, თანამოაზრეებმა და ოჯახის წევრებმა გაიხსენეს.