პარლამენტში ინტერპელაციის წესით დაბარებულმა პრემიერმა ირაკლი ღარიბაშვილმა ოპოზიციის კითხვებს უპასუხა, ოპონენტების მთავარი კითხვები ქვეყნის თავდაცვასა და უსაფრთხოებას ეხებოდა. ოპოზიცია იმითაც დაინტერესდა, თუ რა გააკეთა ხელისუფლებამ ევროკომისიის 12 რეკომენდაციის შესასრულებლად.
როგორც ირაკლი ღარიბაშვილმა განაცხადა, სამყარო მესამე მსოფლიო ომის საფრთხის წინაშეა. მტრული ძალები მიიჩნევენ, რომ საქართველოში ომის გადმოტანით უკრაინას დრო უნდა მიეცეს. პრემიერის აზრით, ევროპარლამენტარები ქართველ ხალხს მთავრობის დამხობისკენ მოუწოდებდნენ.
