ბათუმში მოსახლეობის 60%-ია ორჯერადად აცრილი, თბილისში – 54%. – ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ განაცხადა.
გამყრელიძის განცხადებით, აჭარის რეგიონში მშვიდი ეპიდსიტუაცია მოსახლეობის 60%- ის აცრას უკავშირდება.
“რატომ გვაქვს შედარებით უფრო მშვიდი სიტუაცია ამ 5 000 შემთხვევის ფონზე აჭარაში? იმიტომ, რომ აჭარა ვაქცინაციის მოცვის მაჩვენებლით თბილისის შემდეგ არის მეორე.
ბათუმმა მიაღწია 60%-იან ნიშნულს, რაც ჩვენ წელს გვქონდა სამიზნედ, მოზრდილი მოსახლეობის 60%-ზე გასვლა, ბათუმი უკვე გავიდა 60%-ზე. თბილისი უახლოვდება ამას, თბილისში მოზრდილი მოსახლეობის 54%-ია ორჯერადად აცრილი, რაც ძალიან მნიშვნელოვანია.
სამწუხაროდ, სხვა რეგიონები, გარდა რაჭა-ლეჩხუმისა (37%), 30%-ის ფარგლებში არიან.”
