სოფელ ბეღლეთში ახალი საბავშვო ბაღის მშენებლობა დაიწყო. ამ ეტაპზე დასრულებულია ზეძირკვლის მოწყობა და მიმდინარეობს რიგელების ჩამოსხმის სამუშაოები. სამუშაოებს ტენდერით გამოვლენილი კომპანია შ.პ.ს. „ლაპოტი-2012“ ახორციელებს. პროექტის ღირებულება შეადგენს 221111 ლარს. საბავშვო ბაღი 25 აღსაზრდელზეა გათვლილი. სამუშაოების მიმდინარეობას მუნიციპალიტეტის გამგებელი ბესიკ ბაუჩაძე, მაჟორიტარ დეპუტატ ანზორ ბოლქვაძესთან ერთად გაეცნო.
